Connect with us

Horoskopi

Iken 15 ditet e para te muajit Shtator/ Keto jane 4 shenjat qe do marrin surpriza ne gjysmen e dyte te muajit

Published

on

DASHI: Gjatë shtatorit do t’ju lindin dyshime edhe për çështjet praktike. Do t’ju mungojë durimi për të zgjidhur problemet dhe do t’ju vonohen disa përgjigje. Bëni kujdes nga bllokimet e shkaktuara nga mosmarrëveshjet, sidomos me shefat, pas datës 15. Do ta keni të vështirë të ruani qetësinë edhe në datat 8 dhe 9. Është normale që me raste të përballeni edhe me momente pasigurie.

Jeta sentimentale është pak polemike. Nuk do të kenë probleme çiftet që janë bashkë prej vitesh dhe do të keni dyshime sidomos më datë 22. Doni të ndiheni protagonistë në dashuri. Duket e vështirë të keni harmoni në një periudhë kaq të vështirë, sidomos gjatë datave 20-26, ditë gjatë të cilave mund të krijohen distanca të tepërta. Edhe fundi i muajit duhet të karakterizohet nga maturia, pasi datat 29 dhe 30 do të jenë goxha të trazuara.

Muaj i mbarë, edhe pse do të keni ditë të ngarkuara, por asgjë serioze. 10 ditët e fundit do të jenë disi stresuese, ndaj mos u mundoni shumë rreth datave 27-30 shtator.

DEMI: Keni ende disa pikëpyetje në lidhje me të ardhmen tuaj. Punoni mirë kur keni të bëni me njerëz seriozë, të sinqertë, por kohët e fundit keni pasur tjetër përshtypje, pasi keni bashkëpunuar me njerëzit e gabuar. Datat 10 dhe 17 do të karakterizohen nga tensione të forta. Gjysma e dytë e shtatorit do të jetë më pozitive për sa u takon bashkëpunimeve. Puna juaj do të ndryshojë në bazë të nevojave të momentit.

Ky muaj do ta vërë në provë dashurinë për të lindurit në shenjën e Demit. Por edhe ata që dashurojnë thellësisht prej shumë vitesh do të jenë në mëdyshje. Do të keni polemika sidomos pas datës 17. Jeni racionalë, ndiheni të lodhur duke përsëritur të njëjtat gjëra. Duhet të bëni kujdes gjatë pjesës së dytë të muajit.

Shtatori e favorizon Marsin deri më datë 15. Gjithçka që ka ndodhur gjatë muajve të fundit ka shkaktuar një stres të madh dhe në raste ekstreme zgjedhjet drastike kanë ndryshuar jetën e të rinjve. Situata do të përmirësohet më datë 24, nga ndikimi i Hënës në shenjën tuaj.

BINJAKËT: Shtatori vjen me risi, pasi nga data 22 edhe Dielli do të ndikojë në shenjën tuaj. Do të keni ditë me shumë krijimtari, gjatë të cilave do të jetë vendimtare marrëdhënia me ortakët dhe bashkëpunëtorët. Ka mundësi të reja, por edhe ndryshime dhe këtë herë do të përfundojnë pa shumë mund. 10 ditët e para të shtatorit janë interesante për të nisur projekte të reja.

Ky është një muaj i favorshëm për të gjithë të lindurit në shenjën e Binjakëve, si për ata që janë të lidhur, edhe për ata që janë vetëm. Do të keni takime intriguese, sidomos nga data 15, kur do të ndieni ndikimin e Marsit. Periudhë e favorshme për ata që duan të bëjnë fëmijë.

Tre muajt e fundit kanë qenë shumë të ngjeshur, por do të mund ta merrni veten fizikisht nga data 15, deri në fund të muajit. Të gjitha iniciativat pas datës 26 janë shumë pozitive.

GAFORRJA: Ditët e para të shtatorit janë ende të paqarta për sa i takon punës, ndaj deri më datë 10 është më mirë të mos bëni asgjë. Viti 2021 është i favorshëm në përgjithësi, por mbase tani është çasti i duhur për të vendosur se me kë duhet të rrini dhe ç’të bëni. Datat 21 dhe 22 mund të karakterizohen nga konflikte. Mund të ngurroni të nisni një aktivitet, por nuk duhet të ndaleni. Nuk do të jenë negative marrëveshjet që do të nënshkruhen në 3 muajt e ardhshëm. Data 20 është e favorshme, por jo datat 29 dhe 30.

Dashuritë e forta nuk do të lëkunden për shkak të ndikimit negativ të Venusit në shenjën tuaj. Megjithatë, mund të keni diskutime, keqkuptime dhe fërkime, por asgjë me rëndësi. Nëse diçka nuk shkon, mos e sqaroni gjatë datave 2, 8 dhe 9 shtator. Ata që janë të pavendosur mes dy historive mund të vendosin në fund të shtatorit. Priten evenimente të rëndësishme familjare, si martesa, bashkëjetesa apo edhe lindje.

Gjatë shtatorit do t’ju duket sikur s’do t’ia dilni dot. Java e parë e muajit do të jetë e vështirë. Do të keni ndonjë problem me stomakun ose dhimbje kyçesh pas datës 15 dhe rreth datës 22. Po e sforconi trupin, megjithatë nuk do të mungojnë përmirësimet.

LUANI: Dy javët e para të shtatorit do të sjellin risi. Data 8, për shembull, është interesante. Mbeten të zemëruar ata që kanë nxjerrë prej kohësh shtëpinë në shitje dhe s’kanë marrë ende asnjë përgjigje. Duhet të këmbëngulni ose ndoshta edhe të ndryshoni ndonjë kusht. Nga data 9-14 nuk jeni shumë të favorizuar për sa u takon marrëdhënieve profesionale.

Janë të çuditshme emocionet që lindin në shtator. Sigurisht, ata që kanë përjetuar një ndarje të rëndë, ndoshta nuk kanë më shumë besim në dashuri, ndaj gjatë disa ditëve të caktuara mund të rikthehet tensioni, sidomos në datat 10, 12, 17, 18 dhe 25.

Ndërsa datat 21, 22, 26 dhe 27 do të karakterizohen nga pasioni dhe emocionet e forta. Problemet e kohëve të fundit lidhen me punën dhe jo me jetën sentimentale. Është normale të kesh vështirësi kur ju duket sikur nuk keni një terren të fortë. Mundohuni të qetësoheni, sidomos sepse në pjesën e parë të muajit mund të lindë ndonjë tension i panevojshëm.

VIRGJËRESHA: Rikthehet dëshira për të luftuar dhe keni shumë mundësi për rezultate të mira. Nuk duhet të humbni asnjë çast në datën 6, pasi një propozim i ri do t’ju ndihmojë të fitoni terren. Favorizohen të rinjtë në kërkim të një pune, qoftë kjo edhe me kohë të pjesshme. Edhe studentët mund të përgatiten mirë në këtë periudhë dhe ndonjëri mund të mendojë edhe të ndërrojë degën e studimeve.

Çdo lidhje e krijuar në këtë periudhë mund të rezultojë e suksesshme. Nëse në të shkuarën ka pasur tensione, tani nuk pendoheni për dashurinë e humbur, madje shikoni para. Nga data 10 duhet të krijoni njohje të reja. Është e rëndësishme t’ia shfaqni dashurinë partnerit, duke e lënë punën në plan të dytë.

Forma fizike rikthehet mirë, edhe për ata që duhet të zgjidhin një problem. Duhet ta shkarkoni stresin e akumuluar kohët e fundit. Nga data 19 do të ndiheni nervozë, do të keni ndonjë problem shëndetësor, gjëra kalimtare. Nuk keni pse sforcoheni më kot. Ndikimi i Marsit në shenjë ju këshillon të ruheni nga djegiet ose prerjet 10 ditët e para të muajit.

PESHORJA: Është e rëndësishme të shfrytëzoni ndikimin e dyfishtë pozitiv të Merkurit dhe Venusit në shenjën tuaj gjatë fillimit të muajit. Të gjithë mund të përfitojnë këtë shtator që do të karakterizohet nga lëvizjet. Mund të bëni kërkesa dhe të pranohen. Besueshmëria juaj shfaqet dukshëm gjatë gjithë muajit dhe do të keni shumë raste fatlume nga data 15.

Ata që nuk u martuan ose nuk bashkëjetuan vjet, dhe s’e bënë as sivjet në korrik e gusht, mund të shfrytëzojnë shtatorin. Muaj i shkëlqyer për ata që janë vetëm dhe kërkojnë një partner, por edhe për ata që duan të ndahen. Ata që janë të martuar prej pak kohësh do të ndiejnë dëshirën për të bërë fëmijë.

Çdo shqetësim shëndetësor mund të kapërcehet gjatë shtatorit. Gjithsesi, deri më datë 22 shtator do të keni ndonjë shqetësim. Mundohuni të pini çaj bimor për të fjetur dhe ushqehuni shëndetshëm. Muskujt do t’i ndieni të lodhur.

AKREPI: Cilido qoftë profesioni juaj, mund të përfitoni nga ky shtator i pasur me situata në ndryshim. Lind nevoja që të filloni projekte afatgjata, pasi deri në fund të vitit mund të arrini një synim, ose atë që dëshironi. Mund të ndryshoni aktivitet, ose të bëni diçka të re. Duhet të vazhdoni të tregoheni të kujdesshëm ndaj çështjeve me karakter ligjor. Mendohuni mirë nëse kërkoni një punë të re. Datat 10 dhe 20 janë veçanërisht të rëndësishme.

Ndjenjat s’kanë pse të jenë viktima të së shkuarës dhe ata që kanë përjetuar një ndarje s’kanë pse të mendojnë se dashuria nuk ekziston. Venusi do të ndikojë në shenjën tuaj, sidomos gjatë 10 ditëve të fundit të muajit. Çiftet që kanë baza të forta mund të mendojnë për martesën ose për të bërë një fëmijë.

Rikthehuni te gjërat e thjeshta, ushqehuni shëndetshëm. Stomaku është pak i lodhur këtë vit dhe në momente të caktuara do të shfaqë shenja. Mund të shikoni rezultatin e kurave të terapive që fillojnë sidomos pas datës 10.

SHIGJETARI: Këtë shtator, Marsi do të ndikojë më datë 15 në shenjën tuaj, ndërsa Dielli më datë 22. Gjithçka që mund të nisni tani do të jetë me fat. Ata që kanë duruar nuk kanë gabuar, sidomos në 3 muajt e fundit, që kanë qenë goxha të lodhshëm. Rekomandohet zgjidhja e çështjeve ligjore. Të rinjve do t’u krijohen mundësi për punë shtesë ose edhe me kohë të pjesshme. Data 21 është e favorshme për të kërkuar të drejtat tuaja.

Me gjasa do të keni tension në çift më datë 6, por ndikimi pozitiv i Marsit në gjysmën e dytë të shtatorit mund t’ju ndihmojë të zgjidhni një problem. Nuk do të mungojë sensualiteti, simpatia për lidhjet e reja.

Për shumë të lindur në shenjën e Shigjetarit, shtatori është muaj rikuperimi. Keni mundësi të merrni veten fizikisht. Veçanërisht pas datës 16 mund të ndiheni më shumë energjikë. Mund të gjeni kontaktin me natyrën, të rifitoni formën fizike, të cilën e keni lënë pas dore për shkak të angazhimeve të shumta.

BRICJAPI: Fillon të lëvizë diçka për ata që kanë një aktivitet të vetin. E vetmja anë negative e këtij muaji janë shpenzimet e paparashikuara. Ndaj deri në fillim të nëntorit, mos i shtrini këmbët më shumë se jorgani. Ditë pozitive për të bërë kërkesa në datat 6, 7 dhe 10. Datat 29 dhe 30 janë më pak intriguese, pasi mund të përballeni me dikë që s’e duroni dot.

Lidhjet do të përmirësohen pas datës 10, kur do të rikthehet ndikimi i Venusit. Beqarët mund të ndihen pesimistë dhe të dekurajuar. Mund të finalizoni një ndarje në datat 22 dhe 30. Shmangni debatet në familje gjatë ditëve të fundit të muajit. Datat 23, 28 dhe 30 do të karakterizohen nga të papritura.

Marsi e favorizon gjysmën e parë të muajit, por do të ndieni lodhje në gjysmën e dytë. Duhet të tregoni kujdes me detyrimet pas datës 15. Duhet të tregoni patjetër maturi në dy fundjavat e fundit të muajit. Mos e mbingarkoni fizikun me energji negative.

UJORI: Ka ardhur momenti të bëni disa llogari, pasi keni ende probleme ekonomike. Disa duhet të kapërcejnë një fazë bllokimi. Doni të rifitoni kohën e humbur, në disa raste do të lindë nevoja për të ndryshuar një biznes. Nevojitet maturi në aspektin financiar.

Ata që kanë një histori të rëndësishme dhe janë të martuar, po ndiejnë një lodhje të madhe. Madje po lind edhe xhelozia, që është pak e çuditshme për Ujorin. Mundohuni ta idealizoni më pak dashurinë, përndryshe s’do të pajtoheni dot kurrë me realitetin.

Shtatori në tërësi është muaj goxha interesant. Nga gjysma e dytë e muajit kurat do të shkojnë më mirë. Me kalimin e ditëve, forca fizike do të përmirësohet. Do të ndiheni më mirë vetëm nëse i harroni ose i shkarkoni tensionet profesionale.

PESHQIT: Ky është një muaj i favorshëm për sa u takon çështjeve profesionale. Pas datës 15 do të keni shumë mundësi për një projekt ose program. Mund të ketë një përmirësim të situatës gjatë gjysmës së dytë të shtatorit. Duhet të jeni të qartë edhe në marrëdhënie me kolegët.

Është një muaj i rëndësishëm për ndjesitë që sjell. Mos mendoni se jeni njeriu më fatkeq në Tokë nëse s’ka dashuri. Ndoshta duhet të pyesni veten nëse jeni të gatshëm për lidhje të reja. Ndikimi pozitiv i Venusit pas datës 20 do t’ju ndihmojë të krijoni një jetë krejt të re.

Forma fizike është e mirë. Gjysma e parë e shtatorit është më e mirë në krahasim me gjysmën e dytë. Këto ditë duhet të zgjidhni një çështje profesionale, që të shmangni problemet me shëndetin, sidomos dhembjet e stomakut. Do t’ju shtohet ankthi në datat 23 dhe 26 dhe do ta keni të vështirë të ruani qetësinë. Duhet të shmangni shpërqendrimet në javën e fundit të muajit.

Horoskopi

“E premtja do të ndrijë në çdo aspekt të jetës suaj!”, ja ç’parashikon Susan Miller për këtë shenjë

Published

on

Dashi

Me Hënën favorizuese do të arrini të merrni rezultate të mira në studime dhe punë. Por kjo vlen edhe për dashurinë, por këtu do t’ju duhet të përpiqeni të bëni një përpjekje shtesë për të ngrohur raportet në çift, pasi kohët e fundit jeni përfshirë shumë në angazhimet e punës. Kushtoji më shumë kohë intimitetit me partnerin, ndoshta duke planifikuar një darkë romantike.

Demi

Horoskopi për ju sot paraqitet mjaft pozitiv, kjo falë Mërkurit i cili ju ndihmon. Sot do të jeni mjaft dinamik dhe krijues dhe kjo do ta bëjë të pamundur që t’ju ndalë euforinë që keni për të përmbushur të gjitha objektivat që i keni vendosur vetes. Edhe dashuria paraqitet e mirë, kjo e gjithë falë fantazisë dhe imagjinatës suaj.

Binjakët

Kjo premte do të jetë mjaft e vështirë për të qëndruar të fokusuar në punë dhe studime. Opozita e Hënës në vendin e parë, por edhe Dielli dhe Jupiteri do ta bëjnë atë veçanërisht të ndjeheni të hutuar. Edhe në dashuri ju nuk do jeni në gjendje të dini saktësisht se çfarë doni, dhe kjo do të sjellë pak tensione te çiftet.

Gaforrja

Horoskopi për ditën e sotme parashikon qiellin tuaj astral të dominuar nga disa armiqësi që nuk ju lejon për të realizuar projekte të menjëhershme. Mërkuri është bashkuar me opozitën, por ju gjithmonë mund të mbështeteni te Hëna. Aktualisht, rekomandohet që të merreni me argëtim, pasi angazhimet nuk do jeni në gjendje t’i përmbushni.

Luani

Sot Venusi ka të ngjarë që t’ju ngadalësojë ritmin, duke ju vënë poshtë. Do të donit që projektet tuaja të realizoheshin sa më shpejtë, por nuk ndodh kështu, ju duhet të luftoni me disa të papritura. Megjithatë mos i merrni gjërat me stres, pasi në çdo situatë do keni Hënën që ju mbështet, e cila veçanërisht ju ndihmon për të bërë paqe në dashuri dhe për të përfunduar punët me sukses.

Virgjëresha

Dita e sotme do të jetë një kaos i vërtetë, por i vetmi shpëtim do të jetë dashuria. Entuziazmi dhe dëshira për gjërat e reja ju bëjnë një vullkan të vërtetë në grupin shoqëror. Kini kujdes të mos humbisni kontrollin, kërkoni ndihmë nga partneri, i cili do të jetë i gatshëm për ju.

Peshorja

Horoskopi për sot parashikon një të premte të trazuar. Çdo absurditet i juaj do t’ju shkaktojë tensione dhe mërzitje. Mundohuni të qëndroni të qetë, ose të paktën mundohuni për të mos dhënë përgjigje të rrezikshme, pasi nga kjo rrezikoni prishjen e një lidhjeje të rëndësishme.

Akrepi

Me Jupiterin xhentil në favorin tuaj, ju ndjeheni mjaft të sigurt në planet tuaja financiare. Do të tregoheni konservator në zgjedhjet tuaja dhe nuk do të bëni investime të rrezikshme. Studimet apo puna kanë ecur me ritëm të ngadaltë?  Kjo si pasojë e kundërshtimit të Hënës e cila ju ka vënë shpesh në telashe. E vetmja gjë pozitive është dashuria, e cila paraqitet e ëmbël, ashtu si ju pëlqen.

Shigjetari

Horoskopi për ju sot ju përfshin në një ndjenjë konfuzioni. Sot do ta keni të vështirë për tu përballur apo për të kryer diçka që keni planifikuar. Edhe në dashuri do ta keni të vështirë të gjeni gjuhën e përbashkët dhe kjo do të sjellë tensione me partnerin. As shoqëria nuk do mund t’ju kuptojë sot, prandaj merrni pak kohë për të reflektuar.

Bricjapi

Ditë e tensionuar kjo e premte për ju, do ta keni mjaft të vështirë për të punuar, pasi dashuria kërkon më tepër vëmendje nga ju. Për fat të keq ju do të viheni përballë një vështirësie zgjedhjeje, ku secila palë do të shfaqë pakënaqësitë e saj. Duhet të veproni duke u menduar mirë në mënyrë që në radhë të parë të mendoni për veten tuaj. Keni nevojë për durim.

Ujori

Horoskopi për këtë premte do të jetë një ditë e cila i dedikohet dashurisë. Është e panevojshme të përpiqeni të përqendrohemi në gjëra të tjera, pasi në fund gjithmonë do përfundoni duke u kthyer në pikën e fillimit, çështjet e zemrës tuaj. Sot dedikojani kohën vetes suaj dhe gëzoni këto momente duke hequr dorë nga ndonjë punë e vogël.

Peshqit

Nga një punë të suksesshme që do realizoni sot do arrini rezultate të mira dhe kjo do ju lejoj të përqendroheni më shumë në dashurinë dhe familjen. Mundohuni për të krijuar më shumë qetësi, për të shijuar sa më shumë të jetë e mundur dashurinë me njerëzit e tu të dashur. Edhe Venusi ju ndihmon të relaksoheni dhe promovon mundësi të mira për flirtim për beqarët.

Continue Reading

Horoskopi

Nuk dinë të gënjejnë dhe nuk kanë kurrë keqdashje, Linda Goodman tregon vlerat e mëdha të një Shigjetari

Published

on

Si të njohim Shigjetarin

Shigjetari nuk ka asnjë grimcë keqdashje brenda tij. Ai i lëshon fjalët e tij të drejtëpërdrejta dhe shokuese me pafajësinë më të madhe. Madje edhe kur tenton të justifikohet, atij sërish i shpëtojnë ofendime nga goja. Mos e gjykoni atë shumë ashpër. Sepse një Shigjetar e ka gjithmonë pa të keq. Jo se ai ka nevojë për simpatinë time apo tuajën. Pas mënyrës së tij pa takt, është një mendje jashtëzakonisht e zgjuar dhe me standarde të larta. Kombinimi unik i zgjuarsisë, inteligjencës dhe lëvizjes së zjarrtë, zakonisht e çon shigjetën e harkut të shigjetarit direkt në qendër të tabelës. Ajo që të bën përshtypje si të Shigjetari mashkull, ashtu edhe te femra, është fakti që ata janë krejtësisht të pavëmendshëm ndaj fjalëve të tyre. Ata janë të bindur se janë njerëzit më diplomatë në botë. Ata i dëgjon gjithmonë duke thënë: “Çfarë, unë nuk i lëndoj ndjenjat e askujt për asgjë në botë. Unë jam shumë i kujdesshëm për këtë.” Dhe ata sinqerisht e besojnë atë që janë duke thënë. Në fakt, ata çdo gjë e bëjnë më ndershmëri. Shtirja dhe mashtrimi i çfarëdo forme nuk ka lidhje me ta.

Karakteristikat e tyre fizike nuk janë të vështira për t’u dalluar. Shiko për një kafkë mjaft të madhe, të mirë formuar dhe një ball të lartë dhe të gjerë. Tiparet do të jenë të sinqerta dhe të gëzuara, të hapura ndaj miqësive dhe ideve të reja; normalisht lëvizjet janë të vrullshme dhe të shpejta (edhe pse mund të takoni shigjetarë të ngadaltë në lëvizje). Ata shpesh do të bëjnë gjeste të shtrira në hapësirë, gjithëpërfshirëse, të cilat mund të jenë të befta dhe energjike, por ndoshta jo shumë të hijshme. Shigjetari mund të ngre krahun për të treguar diçka dhe në të njëjtën kohë të derdhë gotën me ujë. Ai mund të jetë duke ecur me kokën lart dhe të pengohet në një gur. Ndërkohë çanta e tij mund të hapet dhe të gjitha dokumentat do të shpërndahen në rrugë.

Sytë e personave që udhëhiqen nga Jupiteri, janë aq të ndritshme dhe vigjilente si të një harabeli dhe ata vetëtijnë dhe vezullojnë me nga një humor rigjenerues. Shigjetarët, pra harkëtarët janë ose trupa shumë të gjatë dhe atletik ose më të shkurtër se mesatarja, por me trup të fuqishëm. Ata të gjatët do t’ju kujtojnë kuajt e racës së pastër apo mëzat gjithë vrull. Në veçanti, në rininë e hershme, shumë prej tyre kanë një baluke të pabindur që bie vazhdimisht në ballë, njësoj si krifa e një kali. Ata do ta lëvizin këtë tufë flokësh me një lëvizje të kokës ose me një lëvizje të pandërgjegjshme të dorës- një zakon ky që do të mbetet edhe shumë kohë pasi modeli i flokëve të ketë ndryshuar.

Shigjetarët janë zakonisht të papërtuar. Ata e urrejnë të qëndrojnë thjesht ulur, por edhe të qëndrojnë kot në këmbë.  Shigjetari ka një fizik të spikatur, qoftë edhe duke u nisur nga besimi i dukshëm dhe shpërfillja e sjelljeve të duhura.  Ai ecën sikur gjithmonë është duke shkuar “diku”. Nuk ka ndalesa apo hezitime për të.

Kur takoni për herë të parë një Shigjetar, ai ose do jetë duke shëtitur qenin e tij ose duke kalëruar kalin. Kafshët janë pasioni i tij më i madh.Shigjetarët që kanë shqetësime te planeti i kafshëve , mund të kenë një frikë patologjike nga kafshët, por kjo nuk ndodh shpesh. Zakonisht, njerëzit e lindur nën ndikimin e Jupiterit nuk kanë frikë nga asgjë. Shigjetari tipik tërhiqet nga rreziku- në sport, në punë apo në hobet e tij. Një element rreziku i emocionon dhe i sfidon harkëtarët. Ata e duan shumë shpejtësinë. Makinat e shpejta, madje edhe aeroplanët i tërheqin ata si me magnet. Personi mesatar i Jupiterit i gëzohet më shumë së çdo gjëje tjetër arratisjes qoftë fizike , qoftë emocionale. Kjo gjë  i gjallëron ata.

Ka një ndryshim të madh midis të qenit i prerë në të folur si Shigjetari dhe të folurit brutal të Akrepit. Akrepi kur thotë të vërtetën, është plotësisht i vetëdijshëm për efektin e saj, por sërish  refuzon të bëjë kompromis. Shigjetari nuk është aspak në dijeni të efektit që shkakton, kur ndershmëria e tij e detyron atë të flasë në mënyrë të drejtëpërdrejtë. Akrepi ndihet pakëz pishman në lidhje me deklaratat e tij që shkaktojnë plagë.  Për të, e vërteta është e vërtetë dhe në qoftë se ju nuk mund ta duroni atë, atëherë mos e pyesni. Personi i udhëhequr nga Jupiteri, Shigjetari, nga ana tjetër, tmerrohet dhe i copëtohet zemra kur zbulon se fjalët e tij ju kanë lënduar juve.

Çfarë është në mendjen dhe zemrën e Shigjetarit është pothuajse menjëherë në buzët e tij. Ai është po aq i sinqertë dhe i drejtëpërdrejtë si një fëmijë gjashtë vjeçar. Ju mund ta merrni këshillën e vjetër, “Nëse ju doni të vërtetën, shkoni te një fëmijë”, dhe ta ndërroni me “Nëse ju doni të vërtetën, të shkoni te një Shigjetar”.

Shumë pak njerëz nuk mund ta durojnë Shigjetarin për një kohë të gjatë, pasi qëllimet e tij janë kaq dukshëm ta padëmshme. Ju do ta shihni këtë idealist të dashur, të pëlqyeshëm, inteligjent, pothuajse kudo dhe në çdo kohë. Mund të jëtë ai prezantuesi në ekranin tuaj çdo të dielë mbrëma, duke hedhur shigjeta të pakujdesshme dhe duke i lënë të ftuarit në studio pafjalë nga sinqeriteti i tij. Mund të jetë shoferi i taksisë suaj një mëngjes të hëne, i cili me gjallëri ju shpjegon pse ai i urren klientët kopracë- ose ju mund ta gjeni atë duke ju shërbyer në një restorant, një të premte në mbrëmje dhe me zell ju këshillon të mos porositni biftek, sepse janë djegur pak nga njëra anë.

Shumica e Shigjetarëve, përpiqen me të vërtetë t’ju ngrenë humorin. Të paktën, kjo është ajo që ata fillojnë të bëjnë, por ndonjëherë nuk e arrijnë dot, madje mund të shkaktojnë të kundërtën. Unë dikur kisha një menaxher të shenjës së Shigjetarit, i cili u përpoq të më rriste moralin, duke më thënë se flokët e mi dukeshin më bukur se zakonisht. Ndërkohë që unë kisha një javë pa i bërë krehje, madje as i kisha larë prej ditësh. Por ai është ende një mik i mirë, kështu që ju mund ta shihni se është e padobishme të zemëroheni me ta. Ata mund të ofrojnë këshilla thellësisht të mençura, kur ju keni pasur kohë për të analizuar pikëpamjet e tyre.

Kjo është një shenjë zjarri, kështu që shumica e Shigjetarëve janë të hapur dhe fjalëshumë.  Ka disa që janë shumë të turpshëm dhe të ndrojtur, por edhe këta janë plot me ide origjinale. Në fakt, Shigjetarët e qetë janë ata që mund të ëndërrojnë ëndrrat më të mëdha dhe të synojnë drejt qëllimeve më të larta. Tip i mbyllur apo i hapur, Shigjetari është një nxitës brenda zemrës e tij. Mendja e tij është e zënë edhe kur gjuha e tij nuk është ende, kështu që ju duhet të mbani mend se kjo shenjë Dielli është gjithmonë atje, në brendësi të natyrës së tij; që ai të mos ju vë në gjumë dhe të jeni të përgatitur për veprim e tij të ardhshëm befasues.

Shumicën e kohës Shigjetari tipik është i lumtur dhe i shoqërueshëm, por durimi i tij mund të shpërthejë si një raketë në qiell, nëse ai nxitet nga njerëz, të cilët abuzojnë me sjelljen e tij miqësore të lindur ose krijojnë shumë afrimitet me të. Rebelimi kundër autoritetit dhe gjërave të shoqërisë është gjithashtu diçka e zakonshme. Shigjetari kurrë nuk do të largohet nga një grindje apo të kërkojë ndihmë. Gratë mund të humbasin pozicionet e tyre normalisht të këndshme dhe të lëshojnë një breshëri të papritur gjatë bisedës që do ti vendosin shkaktuesit e problemeve në vendin e vet. Burrat do të përdorin grushtat  dhe armën e përbuzjes. Një personi i vrazhdë dhe fyes, i cili ka sfiduar natyrën e mirë të Jupiterit, shpesh e gjen veten të shtrirë në trotuar duke pyetur veten se nga i erdhi goditja.

Njerëzit e udhëhequr nga Jupiteri nuk mund të durojnë të akuzohen për pandershmëri. Një akuzë e padrejtë apo një shpifje kundër integritetit të tyre do të bëjnë që indinjata të arrijë kulmin, por pas një shfaqjeje të zjarrtë të temperamentit të tyre, Shigjetari tipik do të ndiejë keqardhje dhe do të përpiqet të justifikohet. Ai do t’ju nxijë syrin dhe do t’ju çojë në spital, por të nesërmen do t’ju dërgojë lule dhe embëlsira në shenjë simpatie. Zakonisht, Shigjetari flet dhe vepron më parë dhe më vonë i merr në konsideratë pasojat.

Shumë Shigjetarë kërkojnë skenën dhe askush nuk është i lumtur se ai, kur shikon një audiencë të ngazëllyer.  Ai do të këndojë vetë me zë të ngjirur ose të vallëzojë pa këpucë, vetëm për kënaqësinë e performancës. Biznesi i spektakleve është i mbushur plot me Shigjetarë.

Ka një brez të fortë fetar te burrat dhe gratë e udhëhequr nga Jupiteri, veçanërisht në rininë e tyre. Ata janë intensivisht të interesuar në çështjet e fesë, por pasi rriten ata mund të bëhen skeptikë ndaj dogmës dhe priren të vënë në pikëpyetje besimet e mëparshme si dhe kërkojnë  përsosjen e vlerave. Shumë rrallë mund të ketë ndonjë Shigjetar që nuk ka një komplet valixhesh të gatshme për udhëtime. Ata dashurojnë të udhëtojnë dhe kanë gati të paktën një valixhe, të mbushur me gjerat që mund të duhen për 100 udhëtime, e gatshme  për përdorim të menjëhershmë.

Ju gjithmonë do të vëreni diçka prej fëmije tek natyra optimiste,naive, guximtare e Shigjetarit.  Ai refuzon të pranojë seriozitetin e jetës, edhe pse disa prej tyre e menaxhojnë me përgjegjësi dhe ndërgjegje të admirueshme në vitet e mëvonshme. Megjithatë, ata asnjëherë nuk janë me të vërtetë të lumtur, kur ndihen të ngarkuar nga përgjegjësitë e jetës. Natyra rebele e Jupiterit ngre krye ndaj izolimit dhe shumë izolim mund të sjellë edhe sëmundje serioze. Pleqëria nuk është pothuajse kurrë një problem.

Zonat e tij të ndjeshme janë mushkëritë, mëlçia, krahët, supet, duart, zorrët dhe këmbët. Dashuria e Shigjetarit për sportin dhe lojrat jashtë shtëpisë mund ti shkaktojë aksidente gjatë aktiviteteve. Ai rrallë mund të qëndrojë i shtruar në spital, më shumë se disa ditë. Ai sëmuret shpesh dhe zakonisht rimëkëmbet me shpejtësi të mahnitshme. Jeta rrallë i mposht këta njerëz përgjithmonë. Ata besojnë se e nesërmja, me siguri do të jetë më mirë se djeshmja dhe dita e sotme është mjaft interesante. Gjendjet e këqija shpirtërore, zhduken pothuajse para se retë të arrijnë të fshehin diellin në jetën e Shigjetarit.

Çdo Shigjetar është pak “kumarxhi” brenda tij, përveç rasteve kur në grafikun e tij te lindjes ka një ndikim konservator dhe të kujdesshëm. Shumë pak prej tyre mund të rezistojnë pa hedhur disa kartëmonedha në tavolinën jeshile. Në varësi të vendndodhjes së planeteve në lindje, një Shigjetar mund të rrezikojë të vë në lojë një pasuri të tërë, ose paratë e qerasë së shtëpisë,  për kalin e preferuar që po garon në pistën e garave. Las Vegasi e tërheq Shigjetarin, si mjalti bletët. E njëjta gjë ndodh edhe me tregun e bursave apo pasurive të paluajtshme.  Për fat të mirë, shumica e tyre e mbajnë nën kontroll dëshirën për të hamendësuar, por edhe këta , sërish do të rrezikojnë herë pas herë në një lojë pokeri apo biletë llotarie.

Përsa i përket sektorit të dashuri, si shigjetari i turpshëm, ashtu edhe ai i fortë, e kërkojnë dashurinë në çdo kohë. Shigjetarët zhyten në romancën e dashurisë me symbyllur, por ata kthjellohen menjëherë sapo përmendet martesa. Ata mendojnë sërish për atë që po bëjnë, pastaj vazhdojnë përpara dhe ndonëse bëjnë analiza të kujdesshme sërish mund të bien në gabim. Edhe pse Shigjetari është i ngrohtë dhe i mrekullueshëm në marrëdhëniet e dashurisë, ai është pak i ndërlikuar për tu kapur. Simbolikisht ai është “gjysmë njeri dhe gjysëm kalë “, gjë që padyshim i jep atij mundësinë për të udhëhequr çdo lojë ndjekjeje, gjithmonë nëse ai nuk pengohet me këmbët e veta.

Ndër tiparet më të pakëndshme të disa Shigjetarëve,mund të përmend tendencën e një temperamenti të dhunshëm, dashurinë për ushqimin apo pijen më shumë seç duhet, që mund të çojë drejt obezivitetit apo alkoolizmit, sarkazmën djegëse që vjen nga një mendje brilante,  apo sjelljen e çuditshme dhe pamundësinë për të mbajtur një sekret. Por asnjë nga këto tipare nuk janë difekte të përhershme. Ato mund të çrrënjosen lehtësisht me vendosmërinë e Shigjetarit.

Shigjetarët kanë një tendencë për të dalë jashtë linjës. Shigjetari do të marrë përsipër një kauzë të madhe me përkushtim të verbër dhe të besojë se mundësitë peshojnë më shumë se të metat, një qëndrim ky që rrjedh nga imagjinata e tij brilante dhe të menduarit përparimtar. Ai kurrë nuk dështon së prezantuari rastin e tij, me argumente të arsyeshme dhe llogjikë të ftohtë, ndonjëherë duke i’u adresuar kundërshtarëve me satirë të mprehtë dhe i përmbajtur për tu përleshur. Zjarri është gjithmonë i gatshëm për tu ndezur, kur dikush sulmon padrejtësisht mrekullinë apo kauzën e tij të momentit. Ai është një armik i frikshëm, sepse ai e vendos në shënjestër viktimën e tij, kur përqëndrohet te ajo.  Atëherë, shigjetat e tij, rrallë e humbasin objektivin e tyre. Ata me zgjuarsi lëshojnë goditjen më të fortë nga harku i tyre i shigjetave.

Ndonëse pak njerëz të lindur në dhjetor janë me të vërtetë humoristë, është i çuditshëm fakti që shumica e tyre kur thonë një shaka, e bëjnë këtë në një kohë të papërshtatshme dhe e katranosin fare situatën.  Audienca-në shtëpi ose në teatër ndoshta – do të zgërdhihen nga ngathtësia e dukshme dhe shpirti i qeshur i Jupiterit, do të mendojë se gjithkush është duke qeshur me sensin e tij të humorit. Kjo vërtet mund të jetë për të qeshur me të madhe.

Edhe pse Shigjetarët kanë kujtime fantastike lidhur me ngjarje të shkuara, si përshembull ku ishin më 14 prill 1939 dhe mund të kujtojnë çdo detaj të librave që kanë lexuar, ata mund të harrojnë ku kanë lënë xhaketën e tyre Shumica e tyre në mënyrë të  vazhdueshme humbin doraçkat,çelësat e makinës, kuletat dhe disa njerëz mjaftueshëm të pasjellshëm, do të  thoshin se personat Shigjetar, mund të humbasin edhe kokat, në qoftë se ato nuk do të ishin të lidhura në qafën e tyre.

Një Shigjetar kurrë nuk mund të arrijë të tregojë një gënjeshtër në mënyrë të suksseshme. Askush nuk e beson atë as për një minutë. Mashtrimi është i panatyrshëm për Shigjetarin dhe kur ai përpiqet ta praktikojë atë, ekspozimi është zakonisht i shpejtë dhe i sigurt. Për të është më mirë të ngecet te e vërteta , pavarësisht pasojave që mund të ketë. Madje as mendja e tij vëzhguese dhe shumë e vetëdijshme, nuk mund ta shpëtojë atë nga pasojat e një mashtrimi, vetëm nëse ka Akrepin në shenjën e tij.

Për Shigjetarin, jeta është një cirk dhe ai është kllouni, që hidhet dhe bën kollotumba i veshur në një kostum me ngjyra. Fytyra e tij është e lyer me ngjyra të ndritshme dhe sytë e tij ndriçojnë nga kurioziteti dhe argëtim. Nuk ka rëndësi nëse ai është tip i tërhequr apo guximtar, natyra e vërtetë e këtij idealist bujar është aq e gëzueshme sa Festa e Krishlindjeve. Me trimëri ai ngul një trëndafil mbi zemrën e tij të madhe dhe e drejton harkun e tij drejt qiellit. Ndërsa merr shenjë drejt, ai e lëshon shigjetën më lart sesa syri i njeriut mund të shohë- në vendin ku lindin të gjitha ëndrrat.

Personalitete të famshme të shenjës së Shigjetarit

Beethoven, Arthur Brisbane, William Buckley, Jr. Maria Callas, Andrew Carnegie, Edith Cavell, Winston Churchill, Noel Coward, Sammy Davis, Joe DiMaggio, Walt Disney, Betty Grable, Grimaldi, Mark Twain, Julie Harris, Papa Gjon Pali XX, John Lindsay, Mary Martin, David Merrick, John Milton, Robert Moses, John Osbonae, Lee Remick, Lillian Russell, Frank Sinatra, David Susskind, James Thurber, Julie Harris.

Continue Reading

Horoskopi

Russell Grant jep paralajmërimin e fortë për këtë shenjë: Duhet të jeni të gatshëm të luftoni!

Published

on

Dashi

Qëllimi juaj është të përdorni kohën dhe energjinë në një mënyrën sa më pozitive të mundshme. Nëse nuk keni plane të caktuara, mund të merreni me shtëpinë tuaj dhe të pastroni tryezën nga çdo dokument që është lënë pas dore kohët e fundit. Kontakti me pjesën e familjes që keni jashtë vendit ju bën të mendoni për udhëtimet e ardhshme.

Demi

Disa zhvillime interesante do t’i japin familjes tuaj më shumë për të diskutuar. Çështjet profesionale do të japin stimulimin që ju nevojitet për të ndjerë se jeni duke bërë përparim. Po merrni përsipër angazhime të reja dhe sa më e madhe të jetë përgjegjësia, aq më të lumtur do të ndiheni.

Binjakët

Jeni të mërzitur nga disa kërkesa që po ju bëhen nga rrethi i brendshëm. Flisni menjëherë për mendimin tuaj ose pakënaqësia do të rritet. Një kornizë më e qartë do të sigurojë që ata që mbështeten tek ju në vendin e punës të mos zhgënjehen. Edhe pse gjërat nuk do të shkojnë sipas planit, gjatë gjithë kohës do të ketë shumë gjëra që do t’ju bëjnë të argëtoheni.

Gaforrja

Një përpjekje ekipi mund të dalë pak jashtë kontrollit. Kjo mund të jetë zhgënjyese. Nëse diskutoni për shumë gjëra mund të përfundoni duke kaluar shumë kohë duke folur, por duke mos arritur asgjë. Përqendrohuni vetëm në çështjen në fjalë. Mund të jetë e nevojshme të qëndroni të qetë në lëvizjet tuaja edhe nëse dikush përpiqet t`ju bllokojë rrugën.

Luani

Keni shumë gjëra për të luftuar. Një projekt që ishte vetëm në fazën e planifikimit dje, duket se është zhvilluar papritur. Duhet të jeni të gatshëm që të luftoni dhe të merrni disa nga këto projekte. Është e vështirë të dish se ku të fillosh.

Virgjëresha

Nuk ka rëndësi se sa përpiqeni ta ndihmoni një të afërm, ata thjesht nuk duket se duan ta dinë. Është e vështirë të shikosh njerëzit duke luftuar, por mund të jetë e rëndësishme për ta që të mësojnë nga gabimet e tyre. Çfarëdo që kishit planifikuar të bëni këtë mbrëmje, mund ta gjeni veten duke i ndihmuar në zgjidhjen e një çështjeje problematike.

Peshorja

Do zbulohet një sekret që një i afërm e ka mbajtur vetëm për vete. Do të donit që ata t’ju hapeshin edhe juve. Tani që e dini të vërtetën do të kuptoni se duhet t’i kishit rënë vetë në shenjë. Nuk mund të fshihesh më. Kjo është një situatë me të cilën duhet të përballeni dhe mund të varet nga ju që të merrni përgjegjësinë që ju takon.

Akrepi

Një problem nuk do të largohet derisa të bëni diçka për të. Mund të mos keni zgjidhje tjetër veçse të bëni disa ndryshime drastike. Njerëzit do të ankohen, por ju mund t’u kujtoni atyre se po ta kishin trajtuar çështjen më herët vetë, nuk do të kishte nevojë që ju të ndërmerrnit veprime.

Shigjetari

Ju jeni të vendosur ta përfundoni një punë. Frustrimi do të vijë nga njerëzit që janë të padobishëm, jo bashkëpunues dhe të vështirë. Ju nuk do t’i lejoni ata të bllokojnë përparimin tuaj. Pasi të keni kapërcyer këto pengesa, lundrimi do të jetë i thjeshtë.

Bricjapi

Ndiheni më të aftë për t’u marrë me çështjet që i keni shmangur. Kjo mund të nënkuptojë hapjen e diskutimeve të padëshiruara por të nevojshme për financat e përbashkëta me partnerin tuaj dhe anëtarët e tjerë të familjes. Disa gjëra që i keni mbajtur për vete duhet të nxirren në shesh edhe pse e dini që dikush nuk do të jetë i lumtur për këtë.

Ujori

Ju e dini që jeta mund të jetë më e mirë, por në të njëjtën kohë jeni mirënjohës për bekimet tuaja të shumta. Ajo që dëshironi është që të tjerët të mund të ndajnë lumturinë me ju. Ka disa që po ju shqetësojnë me të gjitha ankesat dhe murmuritjet e tyre. Qëndrimi i tyre negativ nuk ka asnjë ndikim në grup.

Peshqit

Nëse pas një debati të kohëve të fundit një mik është i gatshëm të lërë gjithçka të kalojë, do të ndiheni më të lehtësuar. Ju gjithmonë i keni urryer argumentet dhe thjesht dëshironi që jeta të jetë përsëri harmonike dhe e lumtur. Një partner do t’ju inkurajojë të ndiqni zgjedhjet tuaja, sepse ata e dinë çfarë do të thotë kjo për ju.

Continue Reading

Trending