Connect with us

Magazina

U martuan dhe iken nga televizioni / Keto jane 5 VAJZAT VIP qe u bene shtepiake me kohe te plote

Published

on

Sapo mbi krye vendosën kurorën që i shpalli më të bukurat e vitit kur konkurruan nëpër konkurse bukurie, të shpallurat miss synuan menjëherë botën skenës e televizionit dhe modelingut. Në mos kishin shkollat specifike, eksperiencën apo aftësitë, kishin një armë shumë të forte, të cilës kamera nuk i rri indiferente: pamjen. 

Të cilën e vunë sakaq në funksion të së ardhmes së bujshme në ekran. Eralda Itaj, Irsa Demneri, Matilda Mecini kanë qenë ca vite të shkuara fytyra shumë të njohura, të bukura po e po. Por ashtu siç e nisën vrullshëm, ashtu edhe u tërhoqën që të treja, menjëherë pasi u martuan dhe lindën fëmijë, duke iu përkushtuar tërësisht familjes. 

Tani për to dëgjon rrallë e më rrallë dhe pak e më pak. Nuk janë tërhequr vetëm nga ekrani. Nuk i ndesh as në jetën virtuale të Facebook-ut apo Instagramit. Tani misset e dikurshme janë vetëm për familjen dhe fëmijët. Jeta publike ishte e bukur aq sa zgjati.

Eralda Hitaj

E krahasuar aq shpesh me Angelia Jolie, Eralda do ishte po aq e buku edhe sikur ne botë të mos ekzistonte një e ngjashme me të. Në periudhëm e saj të artë Miss Universe Albania, e preferuara e Fadil Berishës, pushtoi banera e kopertina revistash. Dora që i dha fotografi i njohur e katapultoi Erën si modelen më të kërkuar jashtë dhe brenda vendit, duke i siguruar deri edhe një kontratë me “Rolex”.

 Sytë e kaltër dhe buzët mishtore ishin perfekte për të qenë imazh i një kompanie kafeje, që do ta shpërndante portrerin e saj në të katër cepat e Shqipërisë, duke e kthyer në fytyrën perfekte për të qenë edhe imazh i freskët televiziv.

 Edhe pse Era me natyrën e saj të druajtur prej vajze të mirë nuk kishte ndonjë aftësi të spikatur prej prezantueseje që s’i mbyllet goja, Top Channel e uli Erën në mes të studios së Top Select, duke i orfuar kësisoj një karrierë të sigurt televizive në të ardhmen. 

Vetëm se bashkë me karrierën televizive erdhi dhe familja. Nga bashkëjetesa e gjatë me një futbollist erdhi në jetë djali i tyre Amar, duke i ndërruar kursin e jetës me 180 gradë.

Era u rikthye pas lindjes sërish në televizion, por vetëm pak kohë më pas u zhduk njëherë e përgjithmonë nga prozhektorët e studiove televizive dhe filloi një jetë të re në Gjermani, pranë partnerit të saj. Puna që bën tani, në një kompani rehabilitimi për fëmijët, të rinjtë dhe familjet në nevojë, nuk ka asnjë lidhje me ekranin, modelingun e median. 

Por siç dhe Era është shprehur, kjo ishte sakrifica që i duhej të bënte për të birin dhe ai që zgjodhi ishte vendi më i mirë për të, edhe pse mamit të tij iu desh të braktiste karrierën që sapo e kishte filluar.

Irsa Demneri

Kaçurrelsja me sy jeshilë, Irsa Demneri, ka mbetur edhe sot, që është nënë e dy fëmijëve, një nga vajzat më të bukura të shpallura miss. 

Ndoshta ngaqë në portretin e saj çdo gjë ishte natyrale apo ngaqë karakteri i saj nuk bërtiste për vëmendje, por e tërhiqte vetiu, ajo e zuri shpejt vendin nëpër skena. Herë si prezantuese, herë si modele e herë si e ftuar, Irsa po krijonte një figurë të preferuar televizive me pamjen dhe natyrën e saj të qetë. Por studimet për shkenca politike ishin shkëndija e parë që karriera televizive e Irsës nuk do zgjaste shumë.

Kapakun ia vuri martesa, që u përfol aq shumë, për shkak se partneri i saj ishte nipi i një politikani të njohur. Pas martesës dhe lindjes së fëmijës së parë e pastaj të dytë, për Irsën dëgjuam gjithmonë e më rrallë. Tashmë është tërhequr tërësisht nga jeta publike. As foto, as intervista e as panele televizive.

Matilda Mecini

E shpallur si Miss Universe Albania në vitin 2008, Matilda Mecini nuk ngeli në hije. Një ndryshim flokësh alla Marilyn Monroe dhe ca foto të realizuara me mjeshtëri nga Fadil Berisha gjatë konkursit të Miss Universe në Vietnam, e kthyen menjëherë në personazh, tamam në kohën kur statusi i misseve kishte filluar rënien e madhe. Dhe Matilda nuk humbi kohë për ta shfrytëzuar. 

E pranishme me intervista në shtypin e shkruar, modeling dhe emisione, por paralelisht një martesë nga e cila do të sillte në jetë djalin e saj Louisin. Emisioni më i fundit ku e pamë të shfaqej ishte në Agon Channel me “Një ditë me…”. E më pas edhe Matilda u tërhoq në jetën e qetë prej mamaje duke braktisur jetën prej vajze të njohur. Në një intervistë të pak kohësh më parë u shpreh se nuk ishte penduar aspak që kishte zgjedhur të sakrifikonte punën për famljen.

Por Matilda ka pak ditë që është rikthyer. Vetëm pasi u bind se djali i saj i vogël ishte rritur aq sa për të mos e patur më nevojën e pandërprerë të mamit, Matilda vendosi të kthehet sërish në ekran, kësaj here në Neës 24, me Quiz Tv. Rikthim aty ku e la apo duhet t’ia nisë nga e para, në këtë kohë kur prezantueset janë me shumicë? Mbetet për t’u parë.

Marre nga TiranaPost.al

7 Comments

7 Comments

  1. Pingback: หลังคาชิงเกิ้ลรูฟ

  2. Pingback: กล่องอาหาร

  3. Pingback: tructiepbongda

  4. Pingback: nova88

  5. Pingback: cheap dumps with pin

  6. Pingback: สล็อตวอเลท

  7. Pingback: เพื่อนแท้เงินด่วน กรุงเทพ

Leave a Reply

Your email address will not be published.

Aktualitet

Astrologia Meri Shehu dhe yjet na zbulojnë për antipatitë sipas shenjës së horoskopit

Published

on

Janë disa karakteristika të caktuara të cilat, secili nga ne nuk arrin dot t’i tolerojë tek të tjerët. Antipatia është subjektive dhe për çdo shenjë zodiakale, është një shenjë tjetër me të cilën nuk arrin dot të shkojë dakord. Horoskopi dhe yjet na zbulojnë antipatitë zodiakale!

Dashi

Një person i gëzueshëm dhe i shoqërueshëm si ty, vështirë se ka antipati që në vështrimin e parë. Por, duke parë natyrën pak ‘gërnjare’ tënden dhe rebele, shpesh të qëllon të kesh rivalë, si në fushën sentimentale, ashtu edhe në atë profesionale. Është një shenjë që, më shumë se kushdo tjetër të bën të humbasësh durimin: Peshorja. Nuk arrin të kuptosh se si ka mundësi që ka njerëz të tillë, të cilët nuk janë në gjendje të shfaqin vetveten ashtu siç janë apo që nuk japin një zgjidhje. Me një person të tillë nuk provon as të diskutosh.

Demi

Ke tendenca për të qenë shumë posesiv/e. Falë durimit tënd dhe maturisë, arrin gjithnjë rezultate optimale, si në fushën profesionale, ashtu edhe në atë personale. Të pëlqen të shijosh suksesin tënd dhe nuk e pranon faktin se dikush mund të të ‘vjedhë’ protagonizmin dhe të mos marrësh dot komplimentet e merituara. Ja përse, mes personave antipatikë për ty, më antipatiku/ja është personi i lindur nën shenjën e Luanit. Në rastin e rivaliteteve të dashurisë, të shpëtojë kush të mundë!!!

Binjakët

Duke qenë se tenton gjithnjë të sillesh në mënyrë sa më miqësore me të gjithë, nuk kuptohet gjithmonë nëse dikush është i këndshëm për ty, ose jo. Je person që pëlqen zbavitjet, shakatë, qeshjet dhe të bësh vazhdimisht batuta, të cilat për ndonjë mund të jenë të pavend.

Gaforrja

Për ty është thelbësore të kesh rreth vetes njerëz të ndjeshëm, që kanë të njëjtat cilësi me ty dhe që duan të kalojnë kohë me familjen. Nuk arrin të konceptosh idenë se dikush mund të jetë indiferent ndaj kësaj të fundit. Ndaj, sjellja e Ujorit për ty është e papranueshme. Nuk arrin të gjesh ëmbëlsi apo butësi në asnjë nga sjelljet e tij. Sigurisht, nuk do jesh ti që do e ndjekësh sa herë që ‘arratiset’.

Luani

Ti ke namin e një personi shumë të drejtë dhe të ndershëm. Zakonisht nuk ke probleme në deklarimin e antipative të tua që, në shumicën e herëve janë për njerëzi fals, jo korrektë dhe aspak të sinqertë në drejtimin tënd, apo në drejtim të njerëzve që ti i do shumë. Shenja me të cilën nuk arrin dot kurrë të shkosh dakord është Akrepi. Mosbesimi i tij është një ndër gjërat më të padurueshme për ty. Edhe pse ka namin si hakmarrës, ti nuk e ke aspak frikë.

Virgjëresha

Është tejet e thjeshtë që një person të jetë antipatik për ty dhe po ta mendosh mirë, mund të gjesh diçka që nuk shkon tek të gjithë shenjat e zodiakut, përfshirë edhe tënden. Por një shenjë që nuk arrin dot kurrë ta kuptosh është ajo e Peshqve. Duket në fakt se keni koncept të ndryshëm për rregullin dhe përpikmërin dhe moskokçarja e tij të acaron shumë. Sipas teje, peshqit nuk arrijnë dot të kuptojnë se bëhen qesharakë dhe aspak realistë sa herë që ndjekin ëndrrat e tyre.

Peshorja

Nuk je person që do grindjet dhe shpesh i bën bisht. Për ty është e rëndësishme të jetosh në paqe në mënyrë që të ruash ekuilibrin e brendshëm. Je fleksibël dhe të pëlqen ta marrësh jetën me lehtësi. Pikërisht për këtë motiv, nuk shkon dot me njerëzit që i bëjnë gjërat më të vështira se ç’duhet. Antipatia jote mund të jetë për shenjën e Demit, që tregon gjithnjë se nuk është aq elastik në mendime sa do duhej për të folur me ty për çdo gjë.

Akrepi

Ti nuk je, pa diskutim, person i kuptueshëm apo që hap rrugë kollaj dhe në pjesën më të madhe të rasteve të udhëheq ‘shqisa e gjashtë’. Ka shumë njerëz për të cilët ndjen antiati që në shikimin e parë, pa motiv dhe kjo ndjenjë të qëndron edhe pas shumë kohësh. Shenja e horoskopit që pa diskutim të çon në debate të ashpra sipas “Shqip”është ajo e Binjakëve. Ti je mosbesues/e nga natyra dhe sheh tek Binjakët personat më pak të besueshëm të gjithë Universit. Cinizmi i tyre shkon përtej esencës tënde.

Shigjetari

Një person i këndshëm dhe alegro si ty nuk ka probleme të shoqërohet me këdo, edhe me persona me zakone apo tradita kulturore tërësisht të ndryshme nga ty. Të pëlqen të udhëtosh dhe të ‘kapësh në ajër’ të gjitha propozimet aventuriere që të bëhen. Antipatia jote është për shenjën e Gaforres, që ka një stil jete shumë të ndryshëm nga ty. Ajo që të irriton më shumë, është fakti se qajnë shpejt. Ty të pëlqen të qeshësh dhe ke përshtypjen se Gaforrja mund të shuajë entuziazmin tënd.

Bricjapi

Qëndrimi yt i jashtëm jep shpesh përshtypjen se jeni person i ftohtë dhe autoritar. Kjo është arsyeja që shpesh ndesheni me njerëzit që nuk durojnë dot të marrin urdhra nga ty. Shenja me të cilën jeni zakonisht në konflikt është Dashi. Përsa i përket kokëfortësisë, është një luftë titanësh. Ti nuk duron dot faktin që Dashi reagon gjithnjë impulsivisht, pa respektuar një planifikim të detajuar. Është një shenjë që nuk e mban dot nën kontroll dhe ‘nxehtësia’ e tij të tremb.

Ujori

Ti je shenja që tërheq antipatitë e personave që ke përreth dhe shpesh as që ndërgjegjësohesh për këtë. Askush nuk arrin të kuptojë sjelljen tënde: ndonjëherë je personi më i pranishëm në botë në jetën e dikujt dhe të nesërmen je zhdukur. Në çdo rast nuk do rregulla, nuk do kufij dhe për këtë arsye hyn në konflikt me shenjën e Virgjëreshës, e cila përpiqet të të imponojë zakonet e saj të bezdisshme. Në shoqëri me një Virgjëreshë ndihesh si në kurth dhe për këtë arsye largohesh pa dhënë shpjegime.

Peshqit

Je person që përshtatet shumë shpejt në situata të ndryshme, por pavarësisht kësaj, nuk heq dorë nga ankesat kur gjërat nuk shkojnë siç do doje dhe ke tendenca për të bërë rolin e ‘viktimës’. Shenja për të cilën ke më shumë antipati është natyrisht ajo shenjë që injoron ankesat e tua dhe ka qëllimin për të të mësuar çfarë është e drejtë dhe  çfarë e gabuar në jetën tënde: Shigjetari. Prepotenca jote dhe mendjemadhësia e Shigjetarit janë origjina e përplasjeve të ashpra dhe të paharrueshme.

Continue Reading

Aktualitet

Shenjat më kokëfortë të horoskopit / Ja përse ndodh ndarja ne çifte nuk është diçka e çuditshme

Published

on

Ndërsa hëna ndikon në baticat, sjelljet tona gjithashtu mund të ndikohen nga universi. Në fund të fundit, kimia na mëson se materia nga e cila përbëhemi vjen drejtpërdrejt nga yjet. 

Më mirë mos i kundërshtoni kurrë; Shenjat më kategorike të horoskopit janë njerëzit që me të vërtetë janë në gjendje t’ju bëjnë të pendoheni për çdo ankesë!

BRICJAPI: vendi i pestë

Edhe pse Bricjapët janë vetëm në vendin e pestë në këtë renditje, mos u mashtroni. Bricjapët janë njerëz që kur thonë diçka, në përgjithësi e respektojnë atë dhe kjo mund t’ju befasojë vërtet. Edhe nëse janë njerëz që nuk janë  gjithmonë kategorikë (strikt), shpesh mund të ndodhë që t’ju lënë pa fjalë për ashpërsinë me të cilën i qasen një situate apo një zgjedhjeje. Sytë hapur me Bricjapët !

UJORI: vendi i katërt

I dashur Ujor , ndoshta meritoni një vend më të lartë në renditjen e shenjave më kategorike (strikte) të horoskopit . Në fund të fundit, edhe ju jeni njerëz që priren të jenë shumë kategorikë kur flasin! Një nga arsyet që ju vendosim kaq poshtë në tabelën e horoskopit të sotëm është se ju Ujori jeni vërtet shumë të mirë me të tjerët. Jeni kategorik, kjo është e vërtetë, por gjithmonë tentoni të bëni një përjashtim për njerëzit që njihni dhe që doni. Duket e pamundur për ta bërë atë siç duhet me ju, por, në realitet, nuk kërkon shumë!

DEMI: vendi i tretë

Duhet të kemi frikë, ose gati, t’i themi Demit jo: ata nuk do ta pranonin kurrë! Demat janë njerëz që nuk mund të bëjnë një hap prapa (mund të jetë kjo arsyeja pse ata janë edhe në renditjen e shenjave të horoskopit që krijojnë gjithmonë probleme , edhe kur nuk ka nevojë?). Të qenit kategorik (strikt), për Demin , është një mënyrë për të pohuar veten. Ata mendojnë se sa më kokëfortë të jenë, aq më të drejtë do të kenë. Shpesh Demi sillet kështu sepse  kanë të drejtë , por nuk mund ta komunikojnë në asnjë mënyrë tjetër veçse duke u bërë të fortë me zgjedhjet dhe vendimet e tyre!

VIRGJËRESHA: vendi i dytë

Të dashur miq të Virgjëreshës , duhet ta pranojmë me të vërtetë që jeni kategorik! (Strikt) Të lindurit e kësaj shenje, në fakt janë persona që nuk e kanë problem të imponohen! Virgjëresha ka gjithmonë një ide shumë të qartë se çfarë dëshiron nga jetë jeta e saj dhe e njerëzve përreth saj gjithashtu! Kjo është arsyeja pse, kur ka një Virgjëreshë përreth, është praktikisht e pamundur të bësh një gabim ose të bësh diçka të gabuar. Arsyeja është e thjeshtë: Virgjëresha është në gjendje t’u tregojë të gjithëve se çfarë duhet të bëjnë dhe si duhet ta bëjnë atë. Kur ajo është pranë, është absolutisht e pamundur të bësh gjëra ndryshe nga sa i mendonte ajo! Është pothuajse  e pamundur të jesh më I rreptë se kaq!

AKREPI: vendi i parë

Në krye të renditjes Sipas Horoskopi.vip sot gjejmë të gjithë ata që kanë lindur nën shenjën e Akrepit  Sigurisht që nuk duhet të habitemi shumë: Akrepat janë njerëz që janë vërtet të aftë të komandojnë dhe pothuajse gjithmonë në një pozicion “udhëheqësi”. Një Akrep nuk e ka problem të thotë atë që duan dhe si duan. Kur një Akrep ka vendosur diçka, ata nuk mund të pranojnë që dikush të vërë në dyshim mënyrën e tyre të të menduarit ose të jetesës. Kjo është arsyeja pse, sado kategorik (strikt) që është Akrepi , rreth tij krijohet shpesh një botë me njerëz të cilët janë veçanërisht të frikësuar edhe vetëm për ta kundërshtuar atë. Kjo vetëm mund ta bëjë Akrepin edhe më të bindur për idetë e tij/saj nuk ka asnjë më kategorik sa akrepi!

Continue Reading

Aktualitet

Zbulo diçka për partneren tënde / Karakteristikat e çdo femre sipas shenjës suaj të horoskopit

Published

on

Dashi: Unë jam

Karakteristikat: ndërmarrës, i guximshëm, impulsiv, kokëfortë, dinamik, energjik, por jo mevullnet të qëndrueshëm. Ka bukuri fizike. Adhurues i aktiviteteve fizike. Doni aventurën, nuk mund të qëndroni të prisni që gjërat të vijnë vetë, jeni gjithmonë në kërkim. Zakonisht flisni pa u menduar shumë dhe pa I analizuar gjërat paraprakisht. Kjo shkakton ofendim tek të tjerët, mirëpo sjellja juaj bën që të kenë mendim pozitiv për ju.

Planeti: Mars

Mangësia: arrogant, i pamatur.

Demi: Unë kam

Karakteristikat: Stabil, i durueshëm, këmbëngulës, inert. Ka vullnet të jashtëzakonshëm. Adhuron shtëpinë dhe familjen. Është i dhënë pas përfitimeve ekonomike. Nuk heq dorë lehtë. I do gjërat luksoze. Jeni të duruar, mirëpo nuk e tregoni. Herë jeni xhelozë, herë nuk doni t`ja dini për xhelozinë. Në ambient të ri nuk ndiheni rehat, keni ndjesinë se jeni mysafir i padëshiruar.

Planeti: Venera

Mangësia: posesiv, i ngutshëm.

Binjakët: Unë mendoj

Karakteristikat: I zhdërvjelltë, kureshtar, komunikues, I shoqërueshëm, I aftë. Ka pamje rinore dhe shpirt të ri. Jeni elokuent në të folur, , diplomatik dhe burim I pashtershëm I ideve të reja. Jeni gjithmonë në kërkim të gjërave të reja. Zakonisht hasni në problem sepse reagoni shpejt dhe gjykoni në mënyrë të gabuar. Harroni ti shihni faktet para se të reagoni.

Planeti: Mërkuri

Mangësia: sipërfaqësor dhe mosmirënjohës.

Gaforrja: Unë ndiej

Karakteristikat: I përkushtuar, misterioz, ka imagjinatë të fortë. E dhënë pas shtëpisë dhe familjes. Ka vullnet të dobët dhe është I dhënë pas pijes. Është shenja më emocionale. Nga jashtë dukeni se jeni më të fortë, nga brenda jeni shumë të thyeshëm. Keni nevojë për përkrahje emocionale, mirëpo ndjenjat dhe problemet I mbani përbrenda. Dëshirojnë të posedojnë. Dëshirojnë të merren me të kaluarën. Të hollat nuk i harxhojnë lehtë.

Planeti: (sateliti) hëna

Mangësia: së tepërmi i ndjeshëm, koprrac.

Luani: unë dua

Karakteristikat: Dëshiron të jetë në qendër të vëmendjes. Do të urdhërojë, të shtypë, është autoritar. Është shpirtgjerë, elegant. Nëse i niset rrugës religjoze, bëhet përjashtues, dogmatik. Keni aftësi të dramatizoni, prandaj ndonjëherë e përdorni këtë për të tërhequr vëmëndjen e të tjerëve. Krenaria është problem më I madh që keni. Jeni të sigurtë në vetvetë dhe ndieni se mund të bëni cdo gjë.

Planeti: dielli

Mangësia: Snobizmi.

Virgjëresha: Unë analizoj

Karakteristikat: precis, i ndërgjegjshëm, pedant, racional, mosbesues. Bashkëpunëtor I shkëlqyer, tek i cili mund të mbështeteni gjithnjë. Më shumë beson në arsye sesa në intuit. Botës I paraqiteni si person I qetë dhe në kontroll të cdo situate, porn ë drendi keni një shkallë të lartë nervozizmi dhe shqetësimi. Megjithatë jeni në përpjekje të përmirësimit të vetes. I analizoni gjërat deri në detaje, kjo ju kufizon imagjinatën dhe krijueshmërinë.

Planeti: Mërkuri

Mangësia: vesves, cikërrimtar.

Peshorja: Unë mat

Karakteristikat: i kujdesshëm, i matur, harmonik, ka shije të mirë dhe pamje estetike. Në punë është diplomat, e do punën në grup. Keni shkallë të lartë elegance. Të hollat i shpenzoni pa kontroll. Shmangeni nga situatat që mund tju sjellin probbleme. I bëni të tjerët të ndihen mirë në shoqërinë tuaj.

Planeti: Venera

Mangësia: tekanjoz, harxhon shumë.

Akrepi: Unë dëshiroj

Karakteristikat: kanë vullnet të fortë, janë dinamikë, të shpërqëndruar, këmbëngulës, seriozë, besnikë, posedues. Janë enigmatikë, misteriozë. Janë njerëz shumë ekstrem. Mund të përshkruuhen si të fuqishëm dhe të dobët, si emocional dhe të ftohtë. Jeni kombinim i një personi me emocionet më të mira dhe më të këqija. Intensiteti është celësi i personalitetit tuaj dhe i të gjitha gjërave që bëni. Suksesi për ju paraqet qëllim të rëndësishëm. Jeni shumë këmbëngulës, bëni gjithcka për të arritur atë që doni. Bëjnë gjithcka për miqtë. Motoja e tyre është: Gjithcka ose asgjë.

Planeti: Plutoni

Mangësia: Xheloz

Shigjetari: Unë kuptoj

Karakteristikat: e do lirinë, është entuziast, tip sportist, lakmitar, kryelartë, snob, por gati gjithnjë në anën e ligjit. Jeni zemërgjerë dhe të gatshëm ti ndihmoni të tjerët. Siqeriteti dhe humori janë anë pozitive tuajat. Kryesisht jeni në gjendje të mirë, por nëse ju kap gjendja negative e keni të vështirë të dilni.

Planeti: Jupiteri

Mangësia: i mungon guximi.

Bricjapi: Unë shfrytëzoj

Karakteristikat: serioz, mendimtar, ambicioz, synon suksesin në moshën e shtyyrë. Është këmbëngulës, ka vullnet të madh, i mencur. Arrin cdo gjë që i përkushtohet. Nuk kërkon mirënjohje për veten. Kontrollon ndjenjat. Të motivuar nga fuqia e suksesit, shëndetit dhe statusit. Jeni këmbëngulës, të organizuar dhe në shumë raste dini të keni durim. Jeni të kujdeshshëm me paratë, dini të kurseni. Jeni të përgjegjshëm, praktikë dhe të ftohtë.

Planeti: saturni

Mangësia: i turpshëm.

Ujori: Unë di

Karakteristikat: individualist, origjinal, jokonvencional. Është kontravers, i pakapshëm, mendjelehtë, joshës, kumarxhi. Duk e duron kontrollin. Jeni plot ide, por duhet të mësoni ti dëgjoni edhe të tjerët. Angazhimet janë të rëndësishme për ju, doni të jeni mes të tjerëve për të treguar cilësitë tuaja. E urreni punën fizike.

Planeti: Urani

Mangësia: egoist ndaj të afërmve dhe human ndaj të tjerëve.

Peshqit: Unë besoj

Karakteristikat: person jo i drejtpërdrejtë, enigmatik, romantik, hipersensitiv, selektiv. Simbol i njeriut universal. Tolerant, emocional, por lider në punë. Jeton në botën e imagjinatës. Ka intuitë të fortë, është vizionar dhe ndërmjetës i shkëlqyer. Ndonjëherë keni ndjenjën se nuk i takoni kësaj bote. Keni talent dhe sharm të mrekullueshëm. Keni ide të mëdha dhe plane, por duhet ti tregoni. Nuk i gjykoni të tjerët sipas asaj çka kanë bërë por sipas brendësisë së tyre.

Planeti: Neptuni

Mangësia: Dyfytyrësia

Continue Reading

Trending