Connect with us

Sot

Duhet te prisni deri ne 11 Maj/ Astrologu i famshem Paolo Fox paralajmeron kete shenje

Published

on

Njihuni me parashikimin e astrologut italian Paolo Fox, për punën, shëndetin dhe ndjenjat, si do të ecë dita për të lindurit e çdo shenje. Ky është një përkthim ekskluziv nga Noa.al i shërbimit astrologjik që përftohet në avancë për lexuesit tanë.

Dashi

Ky është momenti për të kuptuar se çfarë ndjeni dhe çfarë dëshironi, ndaj nëse nuk e dini ende, mos bëni lëvizje të nxituara. Sfera financiare mund t’iu shkaktojë probleme, për shkak se jeni ngushtë në këtë moment.

Demi

Saturni do i ngadalësojë projektet në çift dhe vonesat do të jenë të pashmangshme. Në dashuri do të keni mundësi që të nisni një histori të re. Bëni kujdes edhe me rikuperimin e dashurive të kaluara. Në punë do të keni ngarkesë dhe do të ndjeni nevojën për tu çlodhur.

Binjakët

Me ndikimin e kundërt të Hënës, do të bënit mirë që të prisni deri në 11 maj, për të marrë vendime në dashuri. Në këtë periudhë këshillohet që të rrini të qetë dhe të shmangni debatet. Puna do të ecë mjaft mirë dhe përmirësimet do të nisin që nga 11 prilli.

Gaforrja

Ky është një moment mjaft pozitiv, ku dashuria do të jetë e favorizuar. Venusi do të ndikojë pozitivisht. Do të keni në mendje ide të reja dhe ndryshimet do të rezultojnë të frytshme.

Luani

Gjatë kësaj dite duhet të bëni kujdes. Në dashuri, historitë e lindura prej pak kohësh, do të ecin qetësisht. Megjithatë dikush mund të jetë kundër jush dhe nuk do ju kuptojë. Sa i takon punës, duhet vëmendje maksimale.

Virgjëresha

Me ndikimin e Hënës në shenjë, do të keni mundësi që të kaloni një ditë të qetë. Bëni kujdes me distancat fizikë, pasi mund të hasni në probleme. Në punë, do të ndiheni tejet të stresuar.

Peshorja

Të lindurit e kësaj shenje i pret një e diel mjaft pozitive. Gjërat do të ecin më së miri. Në dashuri, Hëna do të hyjë në shenjën tuaj dhe do të stimulojë emocione të bukura. Ndonjë person që e keni larg, do të bëhet i gjallë. Shumë shpejt do keni mundësi që të zgjidhni edhe problemet që kanë të bëjnë me punën.

Akrepi

Kjo është një periudhe mjaft pozitive, veç bëni kujdes me nervozizmin. Në dashuri, mund të hasni në vonesa, shkruan noa.al. Puna do të ecë përgjithësisht mirë, por përmirësime do të ketë pas pak ditësh.

Shigjetari

Yjet do të jenë mjaft të favorshme, por jo çdo gjë do të ecë siç dëshironi. Në familje, mund të përballeni me situata që kërkojnë zgjidhje. Në punë, duhet të bëni disa ndryshime, ndërsa raporti me kolegët do të përmirësohet.

Bricjapi

Duhet të mundoheni që të zgjidhni të gjithë problemet me të cilat jeni përballur këtë periudhë në dashuri. Ndërsa në punë do të ketë ndryshime dhe zhvillime pozitive.

Ujori

E diela do të jetë përgjithësisht pozitive. Në dashuri, mund të ndiheni disi të përhumbur, për shkak të disa vendimeve që duhet të merrni. Ndërsa sa i takon punës do të ketë tensione, për shkak se dëshironi me ngulm që të thoni atë që mendoni. Mundohuni që të mos mendoni shumë për të kaluarën.

Peshqit

Jeni në një fazë të ndjeshme rikuperimi. Në dashuri mund të përballeni me probleme dhe nervozizëm, pasi mund t’iu duhet të largoheni nga dikush. Puna do të jetë në përmirësim dhe problemet e hasura së fundmi do të gjejnë zgjidhje.

5 Comments

Aktualitet

Sipas parashikimeve nga Paolo Fox / Ja çfarë e acaron më shumë çdo shenjë të horoskopit

Published

on

Sigurisht nuk kemi nga ta dimë ndryshe, nëse nuk analizojmë shenjën tuaj të horoskopit.

DASHI:

Pritja. Çdo gjë që ka lidhje me durimin, është mankth për njerëzit e shënjës së dashit. Rradhët e gjata, pritja në telefon, pritja e rezultateve të një provimi janë situata, në të cilat ata e humbasin qetësinë.

DEMI:

Lëvizja. Paketimi dhe zhvendosja në një qytet tjetër është stresuese për këdo, por për demat, të cilët njihen se pëlqejnë stabilitetin, janë të tmerrshme.

BINJAKET:

Program i ngurtë. Binjakët njihen si njerëz me shpirt të lirë dhe urrejnë t’i raportojnë dikujt diçka, sidomos nëse ka lidhje me rutinën dhe një afat të caktuar. Përpikmëria ndërhyn në ndjenjën e tyre të pavarësisë dhe iu shkakton sulme paniku.

GAFORRJA:

Një ndarje. Të gjithë e kanë të vështirë të përballojnë një ndarje, por gaforret thjesht nuk munden. Për ta, humbja e një partneri romantik është njëlloj si humbja e vetvetes.

LUANI:

Të mos iu dalë si dëshirojnë. Luanët e janë të fortë dhe me vetëbesim përballojnë gjithçka, përveç të mos iu dalë e tyrja. Situata, me personalitetin e luanëve, ka tendenca dramatizimi.

VIRGJERESHA:

Të jetojnë në rrëmujë. Falë njerëzve të tjerë me të cilët jetojmë, na ndodh të kemi një shtëpi apo mjedis të rrëmujshëm. Për virgjëreshat kjo është e papranueshme.

PESHORJA:

Konflikti. Për peshoret konfliktet janë të papërballueshme. Ata do të përpiqen shumë për t’i zgjidhur, duke sakrifikuar edhe shëndetin e tyre mendor.

AKREPI:

Pabesia. Një partner që tradhëton është vështirë për t’u kaluar nga kushdo, por për akrepat besnikë dhe të fiksuar pas intimitetit, tradhëtia është e tmerrshme. Kjo mund të nisë një spirale fiksimi dhe inati, nga e cila duhen vite për të dalë.

SHIGJETARI:

Ndjesia sikur kanë ngecur. Shigjetarët i adhurojnë aventurat, eksperiencat e reja dhe idetë e freskëta. Në momentin që ndihen sikur kanë ngecur në jetën e tyre, ata tmerrohen dhe nuk dinë si të veprojnë.

BRICJAPI:

Pushimi nga puna. Bricjapët vlerësojnë sigurinë financiare dhe titullin në punë, më shumë se gjithçka. Një pushim nga puna i shkund ata.

UJORI:

Padrejtësia. Ujorët refuzojnë të pranojnë se jeta është e padrejtë, një mësim të cilin e marrim që në kopësht. Nëse shohin një padrejtësi ndaj tyre ose ndaj personit që duan, ata dalin jashtë kontrollit.

PESHQIT:

Të nxitohen për të bërë diçka. Peshqit kanë nevojë të ecin me hapin e tyre. Fatkeqësisht, shoqëria jo gjithmonë është.

Continue Reading

Aktualitet

Flet astrologu Jorgo Pulla / Ja 7 nga shenjat më tërheqese të horoskopit

Published

on

Për të tërhequr dikë nuk duhet vetëm të jesh e bukur në pamjen e jashtme, por duhet të kesh edhe karizëm e shpirt të bukur. Këto janë 5 shenjat që i kanë këto aftësi dhe dallojnë nga të tjerat.

Peshorja. Të lindurit e kësaj shenje të mahnitin me sigurinë dhe humorin e tyre. Përherë ata mundohen të duken mirë në publik, madje kanë edhe një stil të veçantë. Peshoret duan të duken përherë joshëse sepse t’iu pëlqejnë të tjerëve është prioritet.

Binjakët. Inteligjenca që zotërojnë personat e kësaj shenje bën që të gjithë të tërhiqen pas tyre. Ata dinë përherë të bien në sy edhe me ngjyrat e ndezura, materialet që përzgjedhin dhe çdo detaj tjetër. Ana enigmatike është një tjetër veçori e binjakëve që tërheq vëmendjen. Personaliteti i pasur dhe i ndërlikuar bën që ata të adhurohen më tepër.

Luani. Plot dritë dhe vezullim, personat e kësaj shenje zjarri i bëjnë të gjithë të kthejnë kokën. Edhe karizma është një tipar që i bën më tërheqës. Në dashuri, luanët përdorin çdo lloj mjeti për të rënë në sy dhe për të tërhequr personin që duan. Elokuenca i bën edhe më sharmantë.

Demi. Joshja është instinktive për personat e kësaj shenje. Talenti i tyre për t’u shprehur i tërheq të gjithë. Nga ana tjetër shija e hollë i bën të adhurueshëm dhe të veçantë. Inteligjenca emocionale dhe misteri që kanë, janë gjithashtu shumë të rëndësishme për të tërhequr të tjerët.

Shigjetari. Sharmi i të lindurve të kësaj shenje qëndron tek sjellja e tyre. Ata janë përherë të disponueshëm për të ngushëlluar e për të qetësuar shpirtrat e të tjerëve. Nga ana tjetër ajo që i bën tërheqës shigjetarët është edhe bujaria.

Continue Reading

Aktualitet

Ja cila është frika juaj më e madhe sipas shenjës suaj të horoskopit / Parashikimet nga astrologu Paolo Fox

Published

on

Edhe sikur të jeni guximtarë dhe të fortë, nga diçka me siguri keni frikë.

Dashi: Frikë nga humbja e personit të dashur. Qoftë një ndarje apo një vdekje, dashët nuk duan kurrë të përballen me fundin e një lidhjeje të gjatë. Në fakt jeta është ë tillë dhe ata duhet të mundohen ta pranojnë realitetin.

Demi: Frikë nga kaosi. Personat e shenjës së demit janë ndër më të qëndrueshmit e zodiakut, prandaj kur diçka nuk ju shkon si duhet stresohen pafund, Kaosi i frikëson më shumë se çdo gjë tjetër në këtë jetë.

Binjakët: Frikë nga humbja. Binjakët kanë tendencë të jenë perfeksionistë, prandaj as që e mendojnë dhe as nuk mund ta pranojnë humbjen. Kjo lloj frike mund t’i bëjë ata edhe më të përkushtuar, por edhe mund t’iu trazojë shpirtin.

Gaforrja: Frikë nga të qenit të përjashtuar. Ndjeshmëria dhe përkujdesi i bën gaforret ndër më të butët dhe të ëmblit në botë. Edhe pse këto janë cilësi, ndonjëherë mund t’i mbajnë të tjerët larg. Pikërisht të ndjerit të përjashtuar dhe të lënë mënjanë i frikëson më shumë personat e kësaj shenje.

Luani: Frikë nga mediokriteti. Duke qenë se punojnë shumë luanët duan të arrijnë përtej asaj që të gjithë presin. Në momentet e shkëlqimit ata duan që miqtë dhe të afërmit t’i dallojnë e t’i përgëzojnë pasi kur nuk e marrin këtë ata lëndohen. në njëfarë mënyre frika nga mediokriteti i shoqëron ata gjithë kohës.

Virgjëresha: Frika nga të qenit i varur prej dikujt tjetër. Mbështetja tek tjetri është më shumë paqëndrueshmëri në jetën e virgjëreshave. Të qenit pranë personave të paorganizuar është ajo që i tremb më shumë ata.

Peshorja: Frikë nga shkaktimi i dhimbjes. Personat e shenjës së peshores\s janë shumë të dashur dhe përkujdesen përherë për tjetrin. Frika e tyre më ë madhe është të shkaktojnë dhimbje tek dikush pa e menduar dhe pa dashje.

Akrepi: Frikë nga intimiteti. Personat e shenjës së akrepit duken të parrëzueshëm dhe sikur nuk mund të lëndohen asnjëherë, por në fakt nuk është ashtu. Për këtë arsye ata kanë frikë t’i hapen dikujt dhe të afrohen shumë.

Shigjetari: Frikë nga humbja e pavarësisë. Shpirti i lirë dhe spontan i shigjetarëve është ai që i veçon nga të tjerët. Një shef kontrollues apo një partner dominues s\dhe kufizues është makthi i tyre.

Bricjapi: Frikë nga gjykimi publik. Personat e shenjës së bricjapit luftojnë fort për të realizuar ëndrrat e tyre dhe duan që të tjerët t’i vlerësojnë. Frika më e madhe e tyre është mospranimi dhe gjykimi i rezultateve që kanë arritur.

Ujori: Frikë nga dobësia. Personat e shenjës së ujorit duan t’i mbrojnë gjithmonë të tjerët dhe të jenë të fortë. Ata janë krenarë që e bëjnë këtë gjë dhe nga ana tjetër janë të besueshëm. Frika e tyre më ë madhe është të mos kenë kurajën dhe forcën për t’iu bërë ballë kundërshtarëve.

Peshqit: Frikë nga braktisja. Personat e shenjës së peshqve duan të jene gjithë kohës në komunikim me të tjerët dhe vetëm ideja se mund të lihen pas dore e të braktisen i tmerron.

Continue Reading

Trending